【公子會】張繼聰最愛不是自己 ? 謝安琪激動：好Hurt㗎大佬！
撰文：冼燕珊
出版：更新：
已經三年無出歌嘅謝安琪（Kay），日前作客森美和劉翁主持的電台節目《公子會》，為新歌《人妻的偽術》，大談作為夫妻間相處的「偽術」和過去的感情史。
森美在節目上分享一對80多歲，仍然很恩愛的夫妻的相處之道，就是「講多啲大話」，講多啲大話，不是要欺騙另一半，而是即使不由衷，也講多些對方喜歡聽的說話，令對方開心，森美更說：「愛情之中無必要講真話」。然後森美就問阿Kay：「我想睇吓妳個底線到邊，如果妳另一半最愛嘅原來唔係妳，妳想佢講畀妳聽定唔講畀妳聽？」
阿Kay 馬上好激動地說：「梗係唔好講畀我聽啦，我真係發癲喎，梗係唔得啦，日後點面對你呀？」森美說：「咁可能係好愛個前度呢？」阿 Kay 提高聲線說：「咁你唔同佢結婚？！」阿 Kay 講完自己都忍唔住笑，然後用很無奈的語氣解釋為什麼會這樣激動：「真係好hurt 㗎大佬，打理成頭家真係好攰㗎，你最愛都唔係我，我做咁多嘢為乜呀？係咪先呀？」阿Kay 愈講愈嬲，兩位主持反而在旁邊笑個不停。張繼聰可說是香港娛圈中數一數二的炫妻男，相信他的最愛都一定係阿Kay吧，阿Kay 唔使擔心啦！
+6