【美人魚2】林允同周星馳合照流出 拍足三個月終殺青
撰文：洪曉璇
出版：更新：
中國電影近年於全球受到注目，由《戰狼2》到《紅海行動》都有亮眼成績，當然不得不提周星馳前年上映作品《美人魚》，創下33.9億元人民幣票房，亦係中國影史首部超過30億元票房的電影。說時遲那時快原來《美人魚2》剛剛煞科，要再睇星爺作品唔使等到頸都長啦。
今年3月《美人魚2》已經開機，身為女主角嘅林允當然忙個不停，經過3個月努力拍攝終於完成。林允於微博貼上一張同星爺嘅合照，寫上：「《美人魚2》殺青啦，從春入夏，珊珊你好，珊珊再見。」開拍至今都未有透露男主角身份，有消息指會由喜劇新星艾倫，以及有份參演《美人魚》嘅前韓團EXO成員吳亦凡出任。本來《美人魚2》有望成為2019年賀歲檔猛片，不過有指出名要求嚴格嘅星爺想將特效做得更好，大有機會要推遲上映時間。