【奔跑吧】張韶涵撕名牌掀高收視　Baby屢出擊衰敗猶榮

內地綜藝節目《奔跑吧》大受歡迎，其中「撕名牌」環節就最令人睇上癮。過去幾集Angelababy大多都係同男生撕鬥，在男不與女鬥情況下自自然然好似唔夠精彩。不過，今集就邀請了女嘉賓張韶涵，她除了在節目上展現歌唱實力之外，同Angelababy大戰撕名牌環節更引起高收視，兩女之戰睇到大家嘩嘩叫，最後估唔到由細粒粒的張韶涵勝出。

過去有睇《奔跑吧》的都知道，Angelababy只要同女嘉賓對決都落足全力，在毫不畀面的情況之下她勝出機率的確比較多，今次在仲未撕之前其實大家睇好她。在眾男生已經撕完分出勝負情況下，只剩下張韶涵和Angelababy，她們二話不說就來個正面交鋒，兩個女人「你追我躲」好明顯Angelababy出擊次數比較多，但張韶涵超級靈活點都避到，小小身軀但力量完全不容小覷，最後二人同時候抓住對方名牌，想唔到張韶涵超大力第一時間撕下，就贏了這一場女人之戰。這一段掀起節目高潮，隨後在網上瘋傳令唔少人對張韶涵刮目相看「確實很靈活」﹑「保護意識也强」…目前成為今年跑男最撕得的女明星。