【深宮計】太平公主陳煒曬得意妹童年照　話自己係甩牙肥妹仔

陳煒 (煒哥) 於近期播出的無綫重頭劇《宮心計2深宮計》中飾演太平公主一角，演技備受讚賞。雖然她這個角色為了目的不擇手段，心狠手辣，不過觀眾同網民都無因為咁而唔鍾意她，大讚她演得入戲之餘，仲睇好她有機會競逐新一屆的視后。煒哥所飾演的太平公主固然是奸到出汁，凌厲的眼神簡直會令人不寒而慄，但私底下的她卻好nice好善良㗎。小時候的煒哥仲係得意妹一名。

最近煒哥就於她的微博上載了一張童年相，並留言表示：「一個甩牙肥妹同大家say good night。」相中的煒哥年約6、7歲，換緊牙的她以門牙甩了，有兩個窿，所以先叫自己做甩牙妹。她叉住腰擺出S形甫士，好可愛㗎，雖然有少少肉地，不過都唔算是個肥妹仔吖。煒哥細個個樣已經相當標緻，長大後更加是愈來愈靚，即使現年已經44歲都依然keep得好好呢。