【世界盃】陳奕迅俄羅斯睇波被偷拍　嬲爆舉中指阻止

俄羅斯世界盃終於開鑼，不少藝人名人都專程飛往當地現場欣賞各場賽事，首場揭幕戰就俄羅斯對沙特阿拉伯，陳奕迅 (Eason) 、譚詠麟同林敏驄等都有置身現場睇呢場實事。FIFA大會攝影鏡頭影到戴住眼鏡的Eason同朋友一齊睇得好投入。另外就有網民拍到他在場內舉中指，當時Eason發現自己被球迷用手機偷拍，即時表現得好嬲好不滿，更向對方舉起中指。

據知Eason這次以世界盃官方指定啤酒贊助商代言人的身份應邀去欣賞球賽，獲安排入座VIP區。而譚校長就於他的facebook上載了多張他到當地睇波兼順道旅遊的相，仲話他去洗手間期間竟然在門口撞到Eason，咁都撞到就梗係要一齊elfie留念啦。