倪晨曦恨同湯洛雯一齊拍旅遊節目：孖埋阿妹四人行﹗

今日(14日)，倪晨曦Elva聯同「孖生姊妹」湯洛雯出席商店開幕典禮。提到有網民話兩位女神外形相似，「傻傻分不清」，Elva都話自己同靚湯喺好多方面都好相似：「我地style好貼近，好似我地都鐘意喱士衫，又鐘意紮三瓣辮髮型。」體現出好姊妹的默契﹗

臨近暑假，Elva和靚湯最近都不停「密密飛」，靚湯早前飛去韓國拍《學是學非》，Elva則飛回家鄉加拿大。熱愛旅遊的Elva直言想同靚湯拍旅遊節目：「有得拍緊係好啦，甚至可以請埋我地阿妹，四個人一齊去！」

提到感情狀況，密運中嘅Elva同圈外男友感情穩定，更自爆一次男友令自己甜入心嘅舉動：「有一次我扭親隻腳，佢幾乎係24小時都陪住我，又逼我去睇醫生，我都覺得好warm。」Elva仲話要介紹男仔俾靚湯識，到時黎個double date都唔錯。