湯洛雯單身後勁多追求者 不抗拒姊弟戀：但唔好差20年咁多
撰文：翁漢瓏
出版：更新：
今年愚人節時，湯洛雯同倪晨曦於IG上載一張合照，相中嘅佢哋經過精心打扮，樣貌相似度高到好似兩姐妹咁。呢日佢地以姐妹裝出席宣傳活動，真係好似孖公仔一樣。
兩位似樣到變成網民熱話，有冇諗過食住個勢拍番輯旅遊節目呢？靚湯就話：「今日係我哋兩個第一次一齊出席活動，依家的確係多咗人哋問我哋檔期，我哋都好努力咁推銷自己，希望有機會可以一齊拍野啦！」
問到感情生活，單身後嘅靚湯都坦然回答：「最近係多咗人追，不過我個人喺感情上比較慢熱，都係傾吓計咁，睇吓對方係咪真係有誠意先。」咁唔知靚湯又接唔接受到姊弟戀呢？佢就話：「後生多少少嘅時候可能會介意多啲，不過可能因為我之前嗰個男朋友都細過我一兩年，我就覺得冇乜所謂，不過唔好話相差20年咁多囉！」