【非分熟女】蔡卓妍大跳鋼管舞　吳慷仁講「唔好喊」險變「鹹片」

蔡卓妍（阿Sa）、吳慷仁、吳浩康等呢日出席新戲開鏡儀式，阿Sa今次在戲中同吳慷仁、吳浩康（Deep）都有親熱戲，她表示這是其中一個好重要的元素去貫穿自己的角色，叫大家不要戴著有色眼鏡看待。阿Sa私底下和阿Deep老友鬼鬼，兩人第一日就已經上演親熱戲碼：「可能嗰陣時嗰個狀態仲未係完全100%投入到呢套戲，所以我覺得有小小尷尬。」

除此之外，阿Sa還會在戲中大跳鋼管舞，由唔識到識，所以未算好辛苦：「都OK嘅，因為其實喺套戲裡面都唔係講到我要跳到好Professional，反而仲要有一個過程囉。」為呼應這個電影橋段，慷仁於現場為阿Sa送上一對鞋，阿Sa就回贈一封利是給對方。

吳慷仁作為台灣金鐘視帝，演出經驗豐富，今次卻是首次過來香港拍戲，從小看香港電影長大的他，直言覺得感覺不錯，他飾演一個由法國返港的港式茶餐廳廚師，爸爸是香港人，媽媽是台灣人。慷仁說，在電影中有大量的廣東話對白，他坦言廣東話好難，不過劇組的人都會教他，所以都成長得好快，不過阿Sa就大爆對方講對白的烏龍事，稱有句對白講「你無喊啦，喊咗出嚟會好啲嘅。」結果慷仁錯將「喊」講作「含」，變成「你無含啦，含咗出嚟會好啲嘅。」令阿Sa狂笑不止。

慷仁難得在香港拍戲，不知道作為東道主的阿Sa沒有帶他四處遊覽：「冇呀，日日拍戲好趕，每一日6、7點開工，拍13、4個鐘，已經好攰。」慷仁則認為「時間尚早」，因為他透露拍完這套電影後，會在香港留一段時間，學習廣東話，再順道逛街，應該相當充實。

今個星期日就是父親節，阿Sa指今次除了是父親節之外，亦是嫲嫲生日，還要擺大壽，所以自己一早已經攞定假期，真是孝順女。