【非分熟女】吳浩康演人夫挑戰情慾戲　生日願望事業愛情兩得意

吳浩康（Deep）出席電影《非分熟女》開鏡儀式，Deep表示：「我個角色係阿Sa（蔡卓妍）嘅老公，所以幾乎所有戲份都係同阿Sa拍。」Deep都參演過好多電影，估唔到佢話，親熱戲會難到佢喎：「其實拍親熱戲時有好多微妙嘅感情變化要顧及，所以都有一定難度。」又謂每個角色演起來都有各自的難處，自己只會以平常心面對，盡力配合劇本，不會期望太高以免為自己途添壓力。

6月13日開鏡活動適逢阿Deep生日，劇組亦溫馨地送上蛋糕及即場唱生日歌。阿Deep表示今晚約了父親慶生，更打趣話曾考慮生日飯父親節飯一次過「搞掂」：「講笑啫，我今晚同爸爸食，遲啲會同家姐姐夫一齊同阿爸慶祝父親節。」孝順仔阿Deep可有被父親催促人生大事？阿Deep坦然人人都恨事業愛情兩得意，但自己目前就只能努力工作，愛情則順其自然。