【美女廚房】遭素食會斥責 Bob:絕無意圖虐待動物同浪費食材
撰文:張嘉敏
出版:更新:
新一輯的《美女廚房3》只播出了兩集,卻已遭到不少人投訴,其中包括香港素食會,該會斥責《美女廚房3》處理及烹煮活生生的動物食材時漠視動物的痛楚,等同虐待動物,又指節目浪費食材,因為煮得難食的食物會遭棄掉。身為該節目的三位主持人,林盛斌 (Bob)、蕭正楠 (Edwin) 以及張振朗得知有關評批時,也作出了回應。他們亦都多謝大家的意見,會努力去改善節目。
Edwin表示:「個節目主要系睇啲女嘉賓驚唔驚嗰啲活生生嘅動物,我哋已經將血腥程度減到最低,縮短咗女嘉賓處理呢啲食材嘅時間,一個畫面就影完,比例好少,睇佢哋嘅廚藝先系重點。其實背後繫有專人幫佢哋去處理啲動物,過程並唔殘忍。」Bob同Edwin口徑一致說:「睇啲女嘉賓驚同埋點樣雞手鴨腳系節目效果嚟,我哋有專人好好去處理啲動物。同埋我哋試食時都儘量去食,除非系未熟就食唔到,熟嘅都會食。而且拍完個節目之後,我哋啲工作人員會拎走啲食材返屋企煮,唔會浪費。」
振朗就表示:「我哋個居住環境好嘅系可以容納100個唔同嘅聲音,我哋會聽取大家嘅意見,努力去改進。啲女嘉賓唔系特登要煮得難食,有啲真系唔識煮嘢食,有啲煮得好好味,我哋會清曬,全部食曬無浪費。」Bob一再強調:「我哋完全無意圖去營造殘忍嘅畫面,無虐待動物同埋浪費食材。」