范冰冰涉逃稅後再捲入走資疑雲　傳與李晨將80億資產轉至美國

央視前知名主持人崔永元表連爆料，首當其衝嘅就係被公開合約，收取天價酬勞嘅范冰冰。自崔永元爆料後，范冰冰連日來未有公開露面，亦未有更新微博，原定8號晚現身北京一個活動亦忽然缺席。有網友上載照片指，於美國拉斯維加斯見到范冰冰與男友李晨嘅身影，呢日更傳出佢地註銷中國國籍，將名下近68億人民幣（約80億港幣）資產轉移至美國。

范冰冰「陰陽合同」牽連甚廣　崔永元目標其實係打影業鉅子

早前有網友留言指，於美國拉斯維加斯見到范冰冰與男友李晨嘅身影，其後流言四起，傳出佢地三日內換取千五萬美金籌碼，更於一夜之間輸咗1200萬，折合港幣近9500萬。不過有劇組人員上載照片並留言力撐，冰冰及李晨呢幾日都未有離開過劇組，而范媽媽亦回應指，冰冰係喺美國處理公事。

一波未平一波又起，近日又傳出范冰冰李晨，同時主動註銷大陸國籍與戶口，並將名下67.8億人民幣（約80億港幣）全部移轉至美國。當然啦傳聞歸傳聞，並無文件或相關人士出嚟証實冰冰同李晨走資，而李晨嘅後援會就貼圖力撐偶像，指8號當日李晨人在北京，參加綜藝節目錄影，大批粉絲都在場可以做証，根本就唔喺美國，並慨嘆一句真係「人紅是非多」。