【美女廚房】劉佩玥菜刀當鑊鏟 焗鵪鶉未煮熟嚇窒阿Bob
全新一輯《美女廚房》星期六（9/6）播出第2集，上一集播出網民負評超多，今集有明顯改進，有劉佩玥（Moon）、高海寧（高Ling）及JW（王灝兒）做嘉賓。
三人於首回合要限時炮製指定菜色「焗法國鵪鶉」，高Ling手勢純熟，反觀JW和阿Moon就「姐手姐腳」，到最後3分鐘還未落鑊，好似連基本下廚技巧也沒有。
阿Moon除了將菜刀當作鑊鏟外，更笑言忘記所有烹調步驟，JW更將整塊煮不熟的豬肉塞進鵪鶉之中，三位主持人林盛斌（Bob）、蕭正楠、張振朗見狀已心知不妙。
【美女廚房．任噏亂評】第二集主持嘉賓互動挽劣勢 4大好睇原因
劣食上桌 阿Bob為節目「犧牲」
去到大家最期待的試食環節（劣食？），三位主持與貴賓評判曹永廉及黃浩然見到三位的完成品，當堂「打個突」。
Moon所煮的鵪鶉切開還是血淋淋的，6位評判包括靚仔廚師Justin咬了一口就立即將肉吐進垃圾桶，Bob更為節目「犧牲」，挑選了最生的一塊肉，咬了一口就搞笑謂：「咬落去就已經聽到啲筋嘅聲！真係完全唔熟！」到大家品嘗JW的鵪鶉時，因為JW知道鵪鶉未熟，所以好貼心地將麵包粒和素材蔬菜作伴碟，起碼讓評判有食物落肚，但蕭正楠就直言試完三人的菜式後，不但嘗不到肉味，滿口都是血腥味，完全貼近茹毛飲血的「境界」。看到主持連生肉都要照食，真係隔住mon都想嘔，但其實笑到標眼水！
暴歾天物！ 逾千元黃皮老虎斑變垃圾
煮完指定菜式，三人需要活捉身價過千港元的黃皮老虎斑，煮一道見家長菜式給評判評分，無需劇透都知，這些黃皮老虎斑將成垃圾，認真「嘥料」！
JW由將魚從魚缸放到砧板上一刻開始，已瘋狂尖叫，後來這尾黃皮老虎斑作垂死掙扎，彈了一下，JW更嚇至花容失色。Moon就在烹飪過程中更搞笑地用熱水壺煮意粉。而高Ling在這個環就將形勢大逆轉，以一道清蒸老虎斑取勝，各評判都大讚老虎斑鮮味，還指高Ling嫁得出。
最後總共兩回合，就由高Ling以78分勝出，成為今集的美女廚神！
半小時整焗鵪鶉時間不足？
對於阿Moon整「焗法國鵪鶉」最後如刺身般上枱，有觀眾認為，只得30分鐘整好這道菜式是否時間不足，蕭正楠今日（6月10日）在第4集開廠錄影前受訪時直言，廚師示範用多少時間，嘉賓就會得到多少時間。「但佢哋之前連洗鵪鶉都洗半個鐘，即係話要好快手，我哋唔可以無了期咁畀佢哋去整個餸，咁樣唔公平，即係廚師用咗幾多時間做，你就要用番幾多時間去做，做咗出黎無論幾好食或者幾難食，我哋一律接受。」又指，如果製成品是好吃，一定會食清光。
至於阿Bob認為，整個節目的精髓在於讓觀眾看到女嘉賓「雞手鴨腳」，食物質素也重要，但相信往後「生食」會有，但不會經常出現。「我諗唔會全部都係生嘅，有一啲人佢哋把握時間，可能我哋做Briefing都會話畀佢聽，真係得30分鐘，你要好好地睇住時間，你焗鵪鶉嘅話，點都預番10分鐘。」