【忍者？】BabyJohn為開工兩日內只小3次便：用意志力死忍！

蔡瀚億（BabyJohn）日前與雨僑拍攝網劇《性敢中環》，兩人在劇中是經理人與KOL的關係，因為相處日久而曖曖昧昧，更與孫耀威爆出三角關係。蔡瀚億去年主演電影《29+1》、《小男人周記3之吾家有喜》、《西謊極落：太爆‧太子‧太空艙》及《拆彈專家》，產量驚人；近期卻較少曝光，實情是他這半年間忙到爆廠，電影、劇集、廣告浪接浪，更要穿梭中港兩地工作。

單計拍得如火如荼的網劇《性敢中環》、電影《死亡通知單暗黑者：首部曲「雙雄會」》（暫名）以及《P風暴》，已令蔡瀚億分身不暇，試過連續43小時沒睡過，期間只去了3次廁所，最長足足忍了8小時。

蔡瀚億表示：「同期拍攝3套作品係有啲吃力，但亦代表大家對我嘅認同。四十幾個鐘冇瞓最辛苦唔係捱眼瞓或體力問題，而係冇時間去廁所！其實忙起上嚟組接組經常有，啱啱嗰次就上個組放遲咗，而架車又到咗，好急都冇辦法啦！惟有用意志力死忍，一到現場就即刻去解決，哈哈！」此外，由於兩套電影都係男人味重，蔡瀚億笑言好在有得客串拍《性敢中環》，可以對住一班美女「調劑吓」。