余香凝將赴馬來西亞開工驚撞鬼　曾遇靈異事：去廁所有男人吹口哨

余香凝，劉穎鏇昨晚（8日）出席上水「傳奇再現」英超足球邀請賽記者會。大會更邀請得13名前英超球星助陣，吸引大批球迷都圍觀。

四年一度足球壇盛事，即將舉行，余香凝更即場與曼聯球星迪贊巴獻技，大玩足球遊戲！香凝表示足球對佢來講屬小兒科, 「本身小學已經係足球健將，仲要係校隊，攞過銅牌，而且我特別喜歡曼聯球星梳爾，follow佢 IG 之後，跟住嗰場波佢就斷咗隻腳，自問係咪我累成佢咁，好傷心，之後有留言慰問佢，但佢冇回覆我。」問到睇世界盃會支持邊支國家隊，香凝說：「世界盃我一定揀阿根廷，因為我好鍾意美斯。」

此外，香凝將會飛去馬來西亞拍戲，係一部校園欺凌鬼片，傳聞馬來西亞好猛鬼，唔知香凝有冇撞過鬼呢？香凝一臉認真地表示：「試過做嘢期間，人有三急嘅時候，因爲太急，一支箭就衝入廁所，就在我去緊嘅時候，有一把男人聲『喂』，然後從我身後吹口哨，我即刻回頭望，點解會咁嘅，當時好驚，即刻衝番出去，所以我都好怕去馬來西亞，聞說好猛鬼。」