黃心穎在《牛下女高音》演宅女：係時候改變形象

一眾《深宮計》演員今天(7日)到黃竹坑出席「齊心展愛心」活動。黃心穎更即場獻舞，同公公婆婆玩遊戲！

無綫新劇集《牛下女高音》已經開拍，黃心穎於劇中飾演不修邊幅的宅女！心穎表示呢套劇最大好處就係唔使點化妝，因在劇中個角色係一個自暴自棄，長時間個頭會「立黐黐」。心穎笑言：「以前用個半鐘化妝，依家用二十分鐘就攪點。」心穎由女神變到醜女，唔知慣五慣呢？心穎笑言：「其實自己等呢個機會好耐，好想改變靚嘅形象，依家一開工就要醜化自己，最重要係拍緊戲時，條街冇人認得我㗎，哈哈！」

近日天氣轉差，打風又落雨，心穎表示呢兩日因天雨關係，甩咗幾場戲！問到有否擔心馬明（馬國明）係大陸拍劇嘅安全？心穎笑言：「我擔心我自己多啲喎，我知道佢地劇組安全嘅，我地都有電話聯絡，互相問候。」