田蕊妮杜汶澤結婚13周年　放閃留言：感謝妳這十三年來的將就

一男一女喺埋一齊可以有無限個紀念日，拍拖、拖手、錫錫、結婚……好多人覺得相當無謂，但其實紀念日可以提醒大家，當初相愛嘅原因，即使生活中有好多磨擦都勿忘初心。6月7號係杜汶澤同田蕊妮結婚13周年嘅日子，今年又會點慶祝？

阿澤上載一張鬆郁矇嘅相，依稀見到係老婆阿田嘅身型，留言寫上：「今天是我們的結婚十三週年紀念.......曾經有人跟我說，婚姻，就是將錯就錯。感謝妳這十三年來的將就，祝妳健康、快樂！」簡單幾句已經感受到佢地嘅平淡幸福。其實結婚紀念日翌日即係8號，就係阿澤嘅46歲生日，有網友讚阿澤將結婚放喺生日前一日，阿澤就覆咗句：「易記﹗」咁就唔怕唔記得啦。