【深宮計】62歲米雪孖辮look勁少女　淡妝省鏡過31歲徐穎堃

米雪同雪梨兩姊妹感情極好，米雪亦好錫雪梨的一對仔女，她的姨甥女徐穎堃（Erica）日前31歲生日，身為姨媽的米雪當然有為Erica慶祝啦。米雪同雪梨、Erica一齊食飯慶祝，仲將呢餐生日飯影的靚相放上微博同大家開心share。米雪留言表示：「Erica,Happy Birthday！身體健康，生活愉快，工作順利！」她們還不停玩自拍，Erica的禮物除了有花有蛋糕之外，還有米雪給她的生日利是。

不過成輯相的亮點是米雪的孖辮look，看她化上淡妝紮起孖辮加載上Cap帽，完全唔似已經62歲，真係keep得好好，尤其是無咩化妝個樣顯得特別young。唔知Erica會唔會希望第時老了都可以好似姨媽咁凍齡呢？其實米雪都好鍾意呢個孖辮look，之前她去澳洲旅行時都有梳過呢個髮型，仲襯上粉紅色加桃紅色運動裝，好嬌俏㗎。而她早前都穿上校服扮學生妹，雖然一睇就知道係超晒齡，不過依然係後生過她的真實年紀好多。