【中餐廳2】做主廚忙到癲　蘇有朋頂唔順：這兒痛那兒痛

內地真人騷節目長做長有都大受歡迎，其中《中餐廳》自去年播畢之後今年又再添食，開機拍攝第二季《中餐廳2》，仍然由趙薇擔任店長，將帶新加入的明星隊員蘇有朋﹑王俊凱﹑白舉綱﹑舒淇齊齊在法國經營餐廳，節目未播已經在網上引起熱話。

目前拍攝中的《中餐廳2》，在法國當地已經吸引唔少華人去光顧，連外國人亦都多不勝數，生意好到不得了。在節目中做主廚的蘇有朋將面對人生其中一個考驗，或許平時比較少下廚搞到他似乎頂唔順，在個人社交網站附上當年電視劇《情深深雨濛濛》的劇集，明示自己太累了：「我就這兒痛，那兒痛的。我看我快要翹辮子了。」又話今天都是元氣滿滿的一天，想必生意每日都爆滿。好友舒淇亦即時安慰他：「加油，你今天元氣要更滿」，似乎叫他要有心理準備努力努力再努力，認真搞笑啊！

事實上，在節目仲未播的時候，蘇有朋已經在該節目的嘉賓檔案中展現了廚藝，原來唔講唔知做了44歲人，今次是他第一次下廚，難怪他連蘿蔔都唔知要銷皮：「這可能是我人生做的第一道菜。」睇嚟都要替他擔心，不過只要有恆心鐵柱都會磨成針，相信他可能做得好的。