Coffee林芊妤曬索爆大肚比堅尼look　點睇都唔似已經陀B近5個月

靚靚準媽咪林芊妤（Coffee）因為勤練瑜珈的關係，身材一向Fit爆，就算現在已經陀B將近五個月，都完全無肥過，而且亦未見肚，點睇都唔似是一個陀住5個月BB的身型。Coffee深信做運動對健康好重要，即使是媽咪都一樣要keep住做運動，所以她陀B後依然繼續練瑜珈同教瑜珈。最近她就同未婚夫翟志榮（Wang）到了菲律賓Pre-honeymoon，盡情吃喝玩樂之餘也不忘鍛鍊身體，又做gym又做瑜珈，務求以最佳狀態即接小寶寶的來臨。

Coffee都有同大家開心share她這次菲律賓之旅的靚相，呢日她就於Instagram上載了兩張性感的比堅尼look靚相。相中的Coffee着住比堅尼坐在木筏上，她留言表示：「我準備要去浮潛啦」，孕媽咪仲去玩水上活動，唔少網民都叮囑她要事事小心，注意安全。而她Fit到同陀B前根本無分別的Body亦成了大家的焦點所在，網民紛紛留言讚她又fit又靚之外，亦好好奇她怎麼可以完全不見肚，有人講笑話原來陀B可以不用大肚，又有人話自己平時個肚都已經大過Coffee呢個陀B肚，也有人疑惑張相是未陀B前影落的。