【聽雪樓】宣萱隔7年再拍古裝做反派　冷艷到一個眼神殺死人

「Mall姐」宣萱事隔5年再接拍TVB劇《不懂撒嬌的女人》（2017年播）爆紅人氣再次急升，重返香港公仔箱的她令觀眾大飽眼福，不過接下來似乎今年就無咩作品在TVB播出，搞到大家又少見她一陣。不過香港冇唔代表咩，皆因她目前已經接拍了一部內地劇《聽雪樓》，而且仲要是古裝劇令唔少人喜出望外，因為是她久違了7年再拍古裝，近日劇組悉出她最新劇照超有霸氣，同時亦令人好懷念她的古裝造型，宜古宜今的她的確令人驚嘆，未播就已經好想睇喇！

近幾年無論在香港還是內地，宣萱都似乎以接拍時裝劇為主《飛虎》（2012）﹑《刑警》《2010》﹑《使徒行者2》（2017）﹑《隱世者們》（2016）…而對上一部古裝劇印象最深似乎是2011年的《萬凰之王》，如今隔了7年再拍古裝劇的確帶給觀眾新鮮感，在《聽雪樓》中飾演反派華蓮的她，一身深紅色打扮配上凌厲的眼神，突顯出超霸氣「唯我獨尊」感覺，散發出的氣場狠力十足，絕對勝任華蓮教主一職。雖然只是客串性質，不過單單她一個眼神已經收獲了唔少網民，大家更以「太美太帥太霸氣」來形容她，絕對無得彈啊！

47歲的她難得再拍古裝，搞到勾起唔少人好多回憶。就好似印象最深刻的《尋秦記》烏廷芳或鳳菲的扮相，脾氣倔強又嬌俏可人，特別一次在舞台上歌舞表演令人記憶猶新；《烽火奇遇結良緣》樊梨花一角，勇敢聰明是一位女將，幫助老公薛丁山征討西涼，絕對是巾幗英雄，宣萱同馬德鐘的配搭亦大受歡迎；《施公奇案II》吳君柔五奶奶一角，敢愛敢恨外柔內剛，同歐陽震華明爭又明鬥，過程十分搞笑。唔同的古裝造型同人物她都做得有聲有色。

事隔7年再拍古裝劇奉獻給內地觀眾，其實唔多唔少會令香港觀眾失望。好明白因為內地古裝劇冠絕兩岸三地，而且近年製作又大，古裝市場的價值比起香港高幾倍，分分鐘因為一劇紅遍大江南北，宣萱的選擇明白嘅。不過下次如果有機會希望多在香港拍劇喇。