【巴清傳】李晨頂替補拍只係做備選　高雲翔仍有一線生機

落重本巨製用5億人民幣打造的古裝劇《巴清傳》命運可以話一波三折，原本主演的范冰冰已經準備好等待新劇播出，又被歷史迷寫下七千字的投訴信，控訴內容胡亂改造歷史，劇集服飾照搬日本等等，再次送去廣電總局進行審批。沒想到在審批後，爭取到在網絡平台上播映，又發生了男主角高雲翔在澳洲涉性侵，搞到該劇分分鐘胎死腹中。

既然落重本製作方又點會咁就放棄呢？於是就找來冰冰的男友李晨緊急救場，重拍男主角高雲翔的戲份，全程在綠幕環境下進行拍攝，佑計完成相關戲份後，方便用後期技術製作完成。正正因為李晨的出現，又不禁令人認為高雲翔是否已經被踢出局，一線生機都沒有？原來又唔係喎，該製作方唐德影視就此事回應，只是多一個選擇而已：「為了做備選方案，我們做了技術測試。」並表示目前仲沒有任何指示要取消高雲翔的戲份。

在他已進組拍攝情況下，唔少人都怕5億人民幣製作就毀譽一旦，唔係話他演技唔好，而是該劇在頂替之下少不了要充斥大量CG和綠幕key頭，絕對會好明顯見到PS痕跡，整個畫面感顯得相當突兀。就好似早前由Angelababy主演的劇集《孤芳不自賞》咁，劇集到處可見大量CG畫面，遭到電視友狠批，大家都唔想李晨變成Baby第二。

事實上，在無得選擇的情況下，似乎唯有key頭只可救到呢部劇，否則5億人民幣就化為烏有。雖然說話就係咁講，不過大家就認為最好寧願唔睇都唔好拿key頭效果來消費觀眾，始終偏向原裝版「希望别换」﹑「畢竟高演技很不錯」﹑「我寧願看高也不願看摳圖」……電視友的意向已經表明清楚。到底是用李晨版還是高雲翔版，一切都要等7月高雲翔的審訊結果出來才有定斷。