鍾嘉欣同囡囡母女裝出遊　準備定孖位BB車待產　

鍾嘉欣即將迎接第二個小生命的來臨，現正佗B六個月的她暫時已停下所有工作，於加拿大專心待產同埋照顧屋企人，日日都湊住囡囡Kelly。嘉欣都知道粉絲們會掛住她，所以這日就在她的Instagram上載了一張她和囡囡Kelly到公園玩的近照，相中兩人仲着住母女裝，白色連身裙襯白色鞋，已為人母的嘉欣散卻發出陣陣少女味，而含住隻手指甜笑的Kelly亦非常可愛。

而成張相的亮點就係Kelly坐住那架BB車喇，因為架車係兩座位㗎，即係遲些BB出世後就會同家姐Kelly孖住一齊坐呢架車，成個畫面好溫馨呀。嘉欣留言表示：「I guess this is what life's gonna be like in a couple months.」好明顯係講緊她之後幾個月的生活都會是推住呢架BB車，載住Kelly同新生BB一齊來公園玩，盡情享受湊B的樂趣。而嘉欣的hashtag #cantwait就充分流露出她心急想見到腹中BB的心情。