盧凱彤結婚兩周年終兌現承諾　帶太太到台中教堂好浪漫

 at 17自從2010年拆夥以後，盧凱彤（Ellen ) 開始個人發展，這幾年事業感情高低起伏，盧凱彤更患上躁鬱症，人生從此不一樣。

Ellen表示走過低谷，貓貓蘇菲絕對係關鍵，Ellen 表示：「蘇菲跟咗我 15 年，陪伴著我，無論高低，我開心，唔開心，尤其係我患情緒病嘅時候，有好多黑暗面，自己係屋裡面有好多情緒掙扎，冇人睇到，佢都睇到，最感動係有好幾次，崩潰喊得好犀利嘅時候，蘇菲會好主動行埋嚟，坐係我大脾上面，陪住我，咁呢一啲人同動物之間嘅溝通好難而形容。」

經過漫長治療後，盧凱彤重新出發，16年更與相戀7年的台灣女攝影師余靜萍在加拿大結婚，成為夫妻。上星期係 Ellen 與太太結婚兩周年紀念，唔知點樣慶祝呢？Ellen笑說：「本來去日本旅行，因為太貴所以去咗台中，去咗我哋初初拍拖嘅時候好想去嘅地方，係一間教堂，好似兌現咗八年前，我哋初初拍拖嘅承諾！感覺好簡單又 Sweet ！」