陳煒為《多功能老婆》泳衣再上陣　完美44歲身材超fit

陳煒有份主演的《宮心計2深宮計》雖然才剛開播，但原來她已為新劇《多功能老婆》同《危城First Lady》開工，果然係多產。由於《多功能老婆》係楊千嬅事隔17年再拍無綫劇集，再加上總監製和總劇審係北上內地發展多年的陳寶華，所以唔少劇迷都表示十分期待‧新劇雖然未咁快有得睇，但呢日陳煒就在IG上載了工作照，而且仲要係絕世罕有的泳衣照，相片中她坐在泳池邊的長椅，輕托下巴騷美腿，豔紅色的泳衣令陳煒看起來完全不似44歲，而她亦在IG中寫上:「好多年冇著泳衣」照片一出，唔少網民都大讚陳煒keep得非常好。