《森美旅行團2》正式開拍 吳若希加盟又可以瘋狂問「點解嘅」
撰文：黃梓恒
出版：更新：
《森美旅行團》在上年年尾播出街後，反應十分之好，不少網民看畢節目之後都讚賞《森美旅行團》夠平民之餘又地道。當然，四位主持人的功力都備受讚賞，人人有做功課，森美和麥美恩一個「上把位」一個「下把位」，擦出的火花絕對及得上森美小儀這個組合。另外高海寧和黃心穎，做旅遊主持的經驗不多，但節目出街後卻看得出她們很用心做功課，而且還帶有一點專業味道，令人另眼相看。
節目反應如此好，加開第二輯基本上是理所當然的事，大家萬眾期待的事情終於要發生，前日森美就在Instagram上宣佈開拍第二輯的消息，相信粉絲們都相當興奮！不過等等先，點解四個人好似有啲唔同？突然多咗個男人嘅？原來第二輯將舊底的主持換了兩個，由丁子朗和吳若希取代高海寧和黃心穎。不過看來網民們就不太開心，事關吳若希一出現個個都話唔想睇，可能係怕佢喺節目又瘋狂問「點解嘅」喇。