羅志祥女友同羅媽媽網晒合照　準奶奶爆周揚青叫自己做「媽媽」

台灣藝人羅志祥（小豬）與女友周揚青（Grace）拍拖多年，早前更爆出婚訊，好多人都會擔心媽咪和老婆相處得不太好，但小豬應該沒有這個問題了，因為羅媽媽同Grace似乎相處得好好呀，兩人還在社交平台上有互動，引起網民熱議。

日前羅媽媽同Grace一齊到小豬擔任創意總監的甜品店打卡，然後分別在自己的微博同IG晒出與對方的搞鬼合照，羅媽媽仲以頭依靠 Grace 肩膀，關係看來比一般婆媳還要親，儼如母女一樣。二人互動獲粉絲大讚，紛紛留言催 Grace 同小豬快啲結婚。

Grace 同羅媽媽仲被記者影到有講有笑，當佢哋步出甜品店時，記者問 Grace 私下是否跟小豬一樣，都叫羅媽媽做「媽媽」，羅媽媽帶笑回應：「對呀！」睇來 Grace 已經成功入屋！早前傳出小豬將於9月12日迎娶Grace，仲被爆佢豪擲2.7億台幣（約7000萬港幣），買下內湖豪宅。不過小豬隨後否認傳聞。