吳肇軒拍《破處》挑戰多　游水成為一大困難：我游到嘔

吳肇軒這天在做客亞視《今晚見》訪談節目，前不久在台灣拍完電影《破處》的他，直言整部電影的台前幕後關係都非常融洽，無論男仔女仔都打成一片，自己返到香港反而有些不習慣添，阿軒還說這次在台灣的經歷，對於自己的人生都是一個好重要的經歷。

早前導演林立書就說這套電影「荷爾蒙有多濃，破壞就有多大。」阿軒透露劇中自己有床戲，但是就無全裸戲份，但劇中同他飾演兄弟的楊懿軒就有，兩人通過兩個禮拜的相處，慢慢由陌生人變成好友，阿軒都坦言：「其實如果你撞住另一個全裸嘅人，咁無論佢係男定女，你可能都會尷尬，但我哋就慢慢慢慢close到磨到完全已經對大家嘅身體已經唔尷尬，所以呢個經歷真係非常之好。」阿軒還直言自己拍完這套戲再拍什麼都不會怕了，因為這次過到自己的關口。

講到今次拍攝的最大困難，阿軒就說其中有幾個場口難度都好大，但自己不可以劇透，不過令他印象深刻的就是潛水，因為自己本身不懂得游水，所以拍起上來都非常辛苦：「我游到嘔呀。」阿軒還透露今次在戲中有場戲要在水中翻身同救人，對身體都是一個不少的挑戰：「我其中一個shot拍到第六、七個take度，我就舉手同導演講『喂，唔得喇，last呀，你再要拍俾我抖一抖』。」但導演卻叫阿軒堅持，游完一轉，阿軒上岸後就狂嘔，真是不易呀。阿軒坦言自己都好驚：「有一場戲係用外來氧氣去吸嘅，吸咗之後，慢慢慢慢要差唔多一分鐘左右先可以上去。」阿軒笑言自己感覺有幾分鐘，都覺得好恐怖，無論怎樣逐親，都只可以慢慢游出水面。

阿軒接下來還有兩套電影，不過就暫時不可以透露，不過現在已經拍完三套電影同三部劇集，相繼會同大家見面，相當高產呀。入行四年的阿軒，已經和好多影帝影后合作過，今年更在電影《以青春的名義》中同劉嘉玲上演一段師生戀。這麼多前輩都看好自己，阿軒都說有壓力，好擔心自己沒有進步，但《破處》這套戲都讓自己有好大的進步同突破，阿軒都相信不會令大家失望。