周杰倫孖住老婆昆凌兩家人舉行澳洲之旅　網民：比之前fit返好多

周杰倫 (Jay) 同老婆昆凌由拍拖到結婚到生埋B，咁多年來都一直非常恩愛，Jay出了名好愛錫老婆。而真愛當然係會愛屋及烏，所以Jay都好錫昆凌的家人，當正是自己的家人一樣。至於Jay的媽咪就梗係好錫昆凌呢位新抱啦，兩家人感情都好好，最近他們更舉行了一個澳洲Family trip，一邊度假一邊享受天倫之樂。

昆凌昨日於她的instagram上載了幾張今次旅遊的大合照同大家開心share，她留言表示：「Throw back the year all our friends came to Australia」，原來這個澳洲之旅除了有至親的家人一起，包括昆淩的爸爸以及Jay的媽媽，仲有大班好朋友join埋一齊，唔怪之得他們玩得咁愉快啦，去了Kingston Park玩raceway，又大玩水上活動等等，睇相都覺得好正。不過相中就唔見Jay同昆凌的一對寶貝仔女，唔知兩個寶寶有否同行呢？網民留言大讚今次旅行好溫馨之外，仲話Jay望落比前fit返不少。