陳嘉桓減肥成功　將會派福利畀大家

《反黑》第2輯即將開拍，陳嘉桓透露最近忙於做運動，自己都想Keep番 fit啲，因為來近《反黑》開第2季啦，我同導演講呢季我唔會畀自己再肥，因為第一季肥咗之後，好多人唔認得我，咁所以我覺得都係一件好事，唔錯嘅戲路啦，唔錯角色，所以第2季我已經好積極操fit啲，雖然呢排瘦咗好多，但我好希望嚟緊操番啲線條出嚟，可以靚啲。

嘉桓被問到拍《反黑》當時在戲中有又幾重？嘉桓表示︰「最肥去到62kg，咁依加落返去58kg，個差距已經有成十磅咁多，自己同時控制個胃口，又積極做運動，之前部戲要谷肥自己，食三盒飯，又不停食消夜去谷肥自己，嗰陣時肥腫難分，有啲人做完運動，會好想食野，而我依家可以控制得到，可以唔食野。」夏天又到喇，身型咁fit嘅嘉桓，又會唔會大解放派福利畀大家呢？嘉桓笑言︰「應該可以嘅今年.......哈哈！其實啱啱拍咗TVB《大玩特玩》節目，自己有份參與成十集咁多，佢地成班主持同事嘉賓見證住我，每一集都好似瘦番啲，佢地都話睇下嚟緊暑假會唔會再有啲遊戲節目再搵我啦，如果有........我會再因應自己身段，睇下影返輯靚相，哈哈.........。」暫時感情生活一片空白，嘉桓透露自己喜歡運動型嘅男仔，因為覺得做運動嘅人係會開心啲，所以都係搵個開心啲嘅人做男朋友。