仔仔生濕疹成面成手都係　林盛斌：寧願佢啲濕疹十倍咁生喺我度

濕疹是一種好常見的皮膚病，BB同小朋友都好易發病，相信不少父母都會因為自己的小朋友患有濕疹而好頭痛兼心痛。育有3女一子的林盛斌（Bob）早前就透露過細仔林道申（Jaye）患了濕疹，要留在家中休息無得出去玩。昨晚Bob於他的Instagram上載了仔仔Jaye的照片，同平日唔同，以往Bob貼的都是Jaye的得意相，今次卻是仔仔患濕疹的情況，相中的Jaye塊面同手都佈滿紅疹，隔住個芒都feel到BB又痕又痛，好陰功豬。

林盛斌扮電動牛牛　阿女排隊入錢玩BOB林盛斌入行15年突然感觸眼濕濕：我知道冇可能取悦所有人

Bob留言表示：「本身好靚仔嘅細佬突然變到咁，做爸爸嘅真係心痛到一個點……希望老婆自家製嘅愛心cream 可以幫到你，寧願佢啲濕疹十倍咁生喺我度都唔想見到佢咁陰功。請問有冇人仲有咩好堅嘅古法偏方提供？萬分感謝！」睇字都完全感受到做爹地的Bob有幾咁心痛，作為父母真係寧願受苦的人是自己都唔會想仔女痛苦。網民都好熱心留言分享醫濕疹的方法，希望可以幫到Bob同Jaye啦。