陳漢娜自「摺」唔恨拍拖　單身年半：可以少啲煩惱

陳漢娜（Hanna）日前(17日)出席品牌派對活動，接受訪問時佢自爆係一個好「摺」嘅人，平時活動自己一個人會行黎行去，更莫講要去夜浦，Hanna表示：「係呀，我好摺，即係好宅，冇咩野做都會留喺屋企。」但其實做藝人應該係要外向少少識多些人，不過Hanna就話：「工作還工作，好少出活動會主動同人講工作。」

Hanna自稱好「摺」，令人更加想關心佢嘅日常生活及感情狀況，Hanna就話平時會喺屋企會瘋狂睇電影，至今仍是單身狀態，Hanna稱：「單身都有年半啦，可能個時候拍《貪狼》忙住工作，演員其實需要思路清晰，本身演員情緒又好多，我對於拍拖又唔係好渴求，都係鍾意工作多啲。而且唔拍拖可以少啲煩惱。」