【宮心計2深宮計】梅小青強調無刪減周秀娜戲份：一句都無cut過

無綫重頭劇《宮心計2深宮計》即將播映，劇中一眾演員亦開始進行連串的宣傳，不過有份於劇中飾演主要角色的周秀娜，就因為所屬的蕭定一公司與TVB有官司糾紛而遭到封殺，會缺席該劇所有的宣傳活動，就連官方的海報和Trailer亦不見她的縱影。身為該劇總監製的梅小青就強調劇集出街時，並沒有刪減娜姐的戲份，她說：「娜姐喺第18集先出場，佢演得十分好，我哋無cut過佢一句對白，無cut過佢任何一場戲。由於公司方面有啲事要處理，佢喺呢套劇嘅宣傳方面係會受到影響，但係佢都會喺其他平台宣傳套劇。」她又大讚娜姐說：「我哋拍得好開心，佢好乖，個人又好好，希望公司快啲解決件事，等我可以有機會再同佢合作啦。」

對於套劇就快出街，小青姐期待之餘亦好唔捨得，她說：「十分之唔捨得，今次係一班演員最後一次着呢套古裝上陣，好大感觸，啲回憶返晒嚟。之前佢哋着住套戲服要背好多對白，好大壓力好辛苦，拍攝呢套劇時已經係差唔多一年前嘅事，嗰段日子大家係一齊共度時艱，好難忘。」