【玩分身】黃浩然拍廣告分飾兩角：幻想兩個仔對住電視叫兩個爸爸

黃浩然最近為果汁品牌拍攝廣告。之前為劇集《果欄中的江湖大嫂》演出嘅佢，就笑指因為咁而對生果認識多咗：「唔同季節嘅生果都會有唔同品質，依家揀橙同揀橙汁都會留意來源產地。」講到廣告中佢一人分飾兩角，既要做大隻仔又要做西裝友，佢即笑說：「已經幻想到兩個仔都大叫『兩個爸爸呀！』」咁佢喺屋企會唔會都分飾唔同角色？佢就話一早已經同老婆約法三章：「有時我會做嚴父，但都唔可淨係做醜人啩，有時我嘅身份嘅係仔仔嘅朋友又係老師，亦師亦友，都幾忙！至於對住太太，就唔使扮嘢，做返自己就最好。」