【深宮計】胡定欣飾演皇后係好時機：個人大咗又成熟咗

無綫重頭劇《宮心計2深宮計》即將播映，擔演該劇女一的胡定欣坦言拍攝過程相當辛苦，她說：「的而且確係辛苦嘅，無論精神體力都消耗好大，宮廷戲啲對白又好難，每日收工返去都有好似溫書咁，有好多四字成語真係要背先得，對我嚟講係一個考驗考試嚟。每日都拍好長時間，好多時都無足夠嘅休息，作為演員要因應唔同條件去保持自己嘅演出。不時都會拍到朝早7、8點先收工，試過有次拍到晏晝一點幾，隔一陣又要再開工。」
 

面對超長時間的拍攝工作，定欣表示自己有做開運動，也有吃健康食品，所以都頂得住。她提議：「可以將個拍攝期延長啲，而每日拍嘅時間就縮返短啲，唔使咁密集。」談到劇中的角色，定欣自言沒有諗過自己會飾演皇后：「我覺得今次係一個好時機畀我去演呢個角色，個人大個咗成熟咗，依家呢個階段好適合。」對於《宮心計》曾有50點的收視，她又可會感到壓力呢？「唔需要比較，亦唔使話要去追嗰50點，依家睇電視嘅模式已經唔同咗，而我哋嘅班底都唔同，用心製作觀眾會感受到。」