崔碧珈驚現康城紅地氈　首次衝出國際：今次應該會走得好

全球矚目的康城影展正式揭幕，唔少女星為踏上紅地毯而費盡腦汁，就好似內地「露點大媽」趙欣，自稱係受到品牌邀請，結果被踢爆係不請先來……其實要踏上呢條紅地毯，仲有好多方法，就好似崔碧珈咁，佢就因為法國設計師Christophe Guillarme的關係而初嘗行紅地毯滋味，她接受訪問時透露係早前朋友叫佢casting，最後被設計師選中了，與法國演員Patricia Contreras雙雙參與呢項盛事，靚相仲獲當地及美國媒體報導，都算衝出國際第一步。「雖然唔係為電影，係時裝品牌，但經驗好重要。」而她亦有在微博上寫道：「經常都是以拍戲為主，貓步比較少走。記得第一次走貓步是2016年在香港一田，當時是走第一個，都蠻緊張的。這是我第二次走騷，地點法國，有上次的經驗，今次應該會走得好的。」