鄧紫棋媽媽年過50超童顏　網友：阿媽仲靚

鄧紫棋（GEM）於母親節當日上載同媽媽的合照，歌頌世上只有媽媽好，又表示媽媽陪佢經歷了不少第一次，唔少網友見到合照之後，都大讚鄧媽媽後生又靚女，看起來同GEM似姐妹多過似母女。鄧媽媽曾為上海音樂學院聲樂系的學生，年輕時就已是氣質出眾。對於媽媽的童顏，GEM就曾經話過用apps測試年齡，結果媽媽比自己更年輕，搞到佢唔知好嬲定好笑。咁到底鄧媽媽幾歲呢？GEM曾透露媽媽30歲前就結婚生子，如果以GEM今年26歲計的話，鄧媽媽至少都有50歲，咁睇法，又真係保養得幾好。