【性敢中環】雨僑同孫耀威拍咀戲　事後竟想嘔：即刻去睇醫生

網劇《性敢中環》今日(14日)在中環舉行記者會，出席除了何佩瑜、鄭欣宜外，還有已婚的雨僑，雨僑今次在戲中飾演第三者，還搶連詩雅男朋友孫耀威，雖然有親熱戲，但幸好只得一場，她接受《香港01》訪問時說︰「記得有場與孫耀威嗰咀戲，一共拍了三次，拍到第三次咀戲，就即刻想嘔，完成咗之後，即刻去醫院睇醫生，成個過程個回憶就係好想嘔。」為何雨僑想嘔，原來同健康有關。

雨橋續說︰「當日身體有啲唔舒服，因為我有腸胃炎，唔想影響拍攝進度，所以都堅持拍攝，但導演話我合埋對眼錫咀嗰陣時，對眼係咁震，都唔知係緊張定係唔舒服。」雨僑仲讚孫耀威好有經驗，知道佢唔係好舒服，所以主動控制個場面，自己只要配合，就好快完成拍攝。