歐鎧淳專心做「女飛魚」拍電影純屬「玩票」：開心賺外快為主

歐鎧淳在過去金像獎中憑住《春嬌與志明》中，短短6句對白就入選「最佳新人獎」提名。歐鎧淳今日拍攝《萬眾同心公益金》「接力𣈱‘游’為公益」時，接受了《香港01》訪問。「我都驚訝其實估唔到會有提名。其實都開心嘅因為我細細個就有睇金像獎，但係開心完都明白其實自己完全唔值得得呢個提名。」

「女飛魚」歐鎧淳至開始在幕前出前，其實多了不少人留意，也提起不少網友對她的興趣。問及歐鎧淳會否打算向娛樂圈發展時，她回答說：「我諗會睇自己鍾唔鍾意，同埋都唔會因為有金像獎提名入去諗自己有呢方面能力。一路客串其實都係玩票性質，所以一路都係嘗試，玩下開心下，同埋呢啲工作都係冇壓力，都係自己開心賺外快為主。」

歐鎧淳在訪問中也表示，自己近來正在忙於游水訓練。「6月仲會去台南有個游水訓練，要住個半月。」問到她對將來的打算，歐鎧淳説：「如果亞運游得好就會繼續游水，因為覺得自己有呢方面嘅唔應該浪費，同埋運動員生涯過咗就冇，反而其他嘢就可以等。」都啱嘅，歐鎧淳始終做返「女飛魚」吸引啲，做演員嘅話真係遲啲都冇問題。