【古巨基】入行24年攞足三百幾個獎　曾四連霸「最受歡迎男歌星」

古巨基闊別紅館7年終於再次開騷，入行24年嘅佢，早前為宣傳個唱而客席主持《流行經典50年》，除唱出多首個人經典歌外，基仔亦有在節目上「回顧」自己歷年在樂壇頒獎禮的輝煌成績。

入行24年的古巨基，曾推出過超過35張大碟，音樂獎項保守估計超過350個，不過《流行經典50年》話晒都係大台節目，所以佢亦都只能「回顧」於《勁歌金曲》上的威水史，基仔在其中一集介紹84年設立的金曲金獎，他指該獎是「歌手們夢寐以求的」，而自己亦有幸在06年憑《愛得太遲》得到該獎項，而曾經競爭甚為激烈的「最受歡迎男歌星」，基仔亦在2008-2011年連續四度奪得，又真係幾威嘅。

而另一個令基仔感到自豪的，則要數到只得15年歷史的「四台聯頒」，他除了是首位奪得四台新人獎金獎的歌手外，亦曾三次獲歌曲大獎（《天才與白痴》、《愛得太遲》、《地球很危險》），力壓陳奕迅、楊千嬅之上；而05年推出的《Human我生》，亦是歷年「大碟大獎」中獲最高分的一位。

大台近年成日都搵「星夢歌手」如吳若希、鄭俊弘、胡鴻鈞等人唱劇集主題曲，導致「星夢幫」雄霸勁歌總選，但其實早年的勁歌選選，甚少劇集主題曲能夠入圍，但基仔就在2010年以，以《巾幗梟雄之義海豪情》的主題曲《義海豪情》打入總選的「十大勁歌金曲獎」中。