【報稅2018】陳家樂交五位數字唔肉赤：我想六位數，咁代表賺到錢
撰文：張嘉敏
出版：更新：
各位香港的打工仔每到一個新的財政年度開始，當然就係會收到由稅局發出的綠色信封啦，填報稅表報稅是每年的指定動作，正如美國文豪Mark Twain說過的一句話：「人生中兩件必然會發生的事，就是死亡和交稅。」而作為藝人的陳家樂亦是云云的打工仔之一，自然都要面對報稅同交稅事宜。
不過家樂就不用自己親自填報稅表，因為他聘請了會計師代勞，他說：「有畀錢請人幫我處理，佢會幫我同埋我妹妹計埋點樣報會抵啲。例如供養父母嘅免稅額，我上年就讓咗畀妹妹用。我上年交咗五位數字嘅稅款，交稅係公民責任，交五位數唔係好多，好正常，所以都唔會話覺得肉赤。」他坦言好想交多些稅：「我希望可以交六位數，咁代表我賺到錢嘛，我諗交得六位數年薪都過百萬。」