陸詩韻擔任選美評審　遺憾當年冇參加國際選美比賽

2018亞洲太平洋國際小姐選舉（香港區）記者會今日舉行記者會及香港區海選初賽。作為主辦單位負責人的名模何紫綸，活動中邀請了一眾好友藝人同名人擔任評審包括：陸詩韻、張崇基、香港著名時裝設計師馬偉明、「2017年亞洲太平洋國際小姐」香港區冠軍柯嘉琪、「亞洲小姐」筱靖、「2010中國小姐」香港區冠軍趙哲妤、著名節目主持人露芙、「珠寶小姐」莊端兒等。

作為大會主席評審嘅陸詩韻接受訪問時，被問到對美嘅定義有咩要求，詩韻直言比較鍾意含蓄同有少少怕醜嘅女仔。提到當年參選港姐後冇參加其他國際性選美比賽，詩韻話有啲遺憾。而何紫綸就話今次擔任比賽主評審都算係更高層次嘅經驗，她續說：「一個女仔儀態好緊要。我有試過見過一啲女仔，外表好靚，但食嘢嘅時候會『雪雪聲』，咁樣就唔得。」

另外，記者會後，大會安排了香港區海選佳麗同大家見面。今年香港區佳麗包括來自唔同背景及職業，當中有就讀法律系嘅大學生，又有在職模特兒。至於才藝表演方面，大部分佳麗都比較喜歡選擇唱歌，當中亦有佳麗獻唱法文歌。