【冒險王衛斯理】倪匡重談創作《支離人》：細個好鍾意睇中國神話

《冒險王衛斯理之支離人》雖然口碑平平，但就令網友有追看原著小說的衝動，小說由倪匡創作，1966年12月３日到1967年３月１６日在明報連載，距今５２年的作品，那個年代連家居電話都不是每個家庭都擁有，更加沒可能Google找資料，倪匡又怎會想像到天馬行空的橋段？想到埃及探險加外星人這條橋出來？原來一切源於生活，倪匡接受《香港０１》電話訪問時，說：「我寫小說為咗謀生，唔寫無嘢食呀，哈哈…你自然諗到喇。」

【冒險王衛斯理】最強衛斯理一定係許冠傑 最好艷福竟然係李子雄

【冒險王衛斯理】胡然演白素身材超誇張 王晶御用女郎性感是常識

因為《冒險王衛斯理》關係，打擾老人家，想知道他的創作秘技，究竟受那些書本或作者影響，但原來相當簡單，他說：「《支離人》我幾時寫㗎？六幾年喇，其實而家諗返好離譜，隻手離開咗身體，應該無理由郁到，哈哈，但小說就係可以咁玩，我都唔知點解諗到？我寫小說為咗謀生，唔寫無嘢食呀，你自然諗到喇，哈哈…唔駛上網㗎，我哋六幾年都發生好多奇怪嘢㗎，生活就揾到，我唔睇其他人作品，翻譯小說亦唔睇，冇時間睇呀，大佬，哈哈….我諗係中國神話囉，我細個好鍾意睇，太熟喇，你話有冇邊本好記得？無呀，太多喇。」
原本想同倪匡再談創作，可惜，老人家表示電話收不清，他說：「聽唔到呀，你聽日三點再打嚟啦。」希望衛斯理三點再聽電話啦。