衛詩雅搵男朋友最緊要守時：我起身5分鐘內出到門口

衛詩雅 (Michelle) 雖然靚女，但卻遲遲未找到另一半，已經單身多年的她，早前就在一段網上的短片表示自己的性格好麻甩，鍾意宅在家打機，鍾意去茶餐廳也會食豆腐火腩飯，不用開工時出街一定唔化妝，自言還有一樣比男生更厲害的就是：「我起身後5分鐘之內可以出到門口㗎喇，如果有一個男朋友要耐過我出門口，佢應該做唔到我男朋友㗎喇。」喜歡打機的她當然不會介意男朋友打機啦，但如果對方愛打機一定要打得叻，她笑言：「因為佢可以 (喺遊戲世界) 保護我。」Michelle表示擇偶條件不用對方識打機：「但要起身5分鐘內出到門口係必須的。」

至於工作方面，入行10年的她上年可算是最忙碌的一年，電影一部接一部，而今年一樣有好多電影要拍：「暫時未開始忙，上年忙啲，下個月開始會同時間拍3套戲。我唔怕抽離唔到角色，我最驚係投入唔到角色。」她又謂由於拍的不是愛情片，她也不會特別去諗拍拖的事，自己亦過了最恨拍拖的段階，不會急住要拍拖結婚。Michelle說：「其實我啲堂/表兄弟姐妹都已經結晒婚，我家姐今年年尾都會結，我父母唔心急，反而係我啲親戚戥我心急同緊張。」