黃長興做廿四孝老豆　為仔女密密接job搵真銀

喺劇集《棟仁的時光》入面飾演潮州佬嘅黃長興最近人氣急升，而密密搵真銀，為舞蹈學校擔任開幕剪綵嘉賓，期間更為囡囡「探路」打聽藝術體操及爵士舞等課程，他直言：「作為家長，最希望子女可以喺安全同舒適嘅環境下學自己鍾意嘅嘢。我當然會幫Paige﹝囡囡﹞去發掘合適嘅課程，所以都會準備帶佢試堂。」另外，同時出晒名錫老婆嘅佢剪綵前就特意趕去睇老婆嘅空手道比賽，謂：「太太為咗照顧小朋友，已經停玩空手道一段時間，依家小朋友大咗，我都希望佢重拾自己嘅興趣，重投訓練幾次之後，參加公開比賽即刻攞亞軍，我真係冧晒！」

至於提到密 密接Job，黃長興笑言多得公司畀機會，問到點樣獎勵自己？佢竟然廿四孝老竇上身，笑言：「都係儲錢畀小朋友先，因為小朋友興趣多多，最近囡囡學打網球，又要為佢添置裝備，只要見到佢哋開心，自己自然就會開心！」