譚小環為節目豁出去闖棺材舖　發現殯儀業有網上服務好驚奇

譚小環最近就為咗奇妙電視節目《搵錢男女》，同司徒瑞祈、胡孟青等主持四出發掘搵錢之道，喺最新一集裡面佢仲認真豁出去，連殯儀業、棺材舖都唔放過，認真百無禁忌。問譚小環點睇網上殯儀，佢就話唔抗拒：「好少見所以好驚喜，咁都有網上服務，所有價錢都可以清楚見到，有預算好好多！」而小環拍攝時亦有跟足傳統習俗，帶住碌柚葉旁身。

除咗棺材舖，小環亦到訪一間內衣店，訪問「試Bra達人」成功賺錢的秘訣。小環大爆自己對內衣有一定要求：「作為成熟知性嘅女性，我要揀最優質嘅！」多個款式之中，小環表示自己比較偏好平實的款式。另一邊廂，司徒瑞祈體驗「按摩到會服務」，體驗於辦公室按摩嘅感覺：「按摩係好私人嘅事，都係留翻放工做好啲！」