邱淑貞全家撐張學友演唱會　三女沈晨完全繼承靚媽因子

歌神張學友唱歌有幾好聽唔使多講，他的《A CLASSIC TOUR 學友.經典世界巡迴演唱會》由2016年10月開始舉行至今，唔止吸引了世界各地的粉絲樂迷入場欣賞，就連他的一班圈中好友都非常支持，幾忙都要抽時間去捧他場。早前剛於台北小巨蛋舉行完的台北站演出，其中一晚的觀眾席上就星光熠熠，當晚睇騷的包括有梁朝偉同老婆劉嘉玲、周杰倫同老婆昆凌、邱淑貞同老公沈嘉偉以及三個囡囡、曾志偉、杜德偉夫婦、梁家輝夫婦與一對孖女、葉童與老公陳國熹、鍾鎮濤老婆范姜與女兒、上山詩鈉等，陣容好強勁。

咁難得大班老友可以夾到假期聚首一堂，拍照留念是常識吧！他們亦有上載了一些照片到微博同大家開心Share，真係隔住個芒都感受到他們有幾friend，就連周杰倫都留言表示：「希望我以後也有這樣的朋友」。而咁多相中的亮點，就是由嘉玲post的一張邱淑貞 (豆斗) 一家五口同學友的合照，他們的全家福是首度曝光㗎！相中的豆斗依然係keep得好好，好靚。而大女沈月亦是公認的靚女，靚樣似足媽咪。二女則無咁似媽咪，至於最細的三女沈晨就愈大愈靚，五官輪廓愈來愈標緻，現年7歲的她已經是個小美人。