【01型活墟】方健儀幽默感並非天生　兒時唔講嘢被老師話「自閉」

講起新聞主播，除了方東昇之外，大家就一定會想起方健儀。其實方健儀2012年離開「無線電視」新聞主播一職之後，發展一直都不錯。憑住其「玩得」的性格兼「幽默」之餘又專業的報導風格，亦令她在司儀業內「如魚得水」。

方健儀昨日為了《01型活墟》暨「貝智基金」舉行的【陪著你跑】慈善路跑活動擔任司儀。是次慈善路跑活動用路跑的形式，以表達對自閉症兒童的支持。方健儀接受《香港01》訪問時説：「大家好簡而然之覺得一啲唔講嘢嘅小朋友就係自閉症兒童。」方健儀亦提到自己小學的時候，因性格過於文靜而被誤認為自閉症兒童。「我嗰時嘅特點就係唔講嘢又靜，所以3年班嘅時候，我阿媽去家長日嘅時候，個班主任同佢講：『你個囡有病吖，佢有自閉症。』阿媽當時仲好驚添。」

方健儀：「呢件事其實都反映咗嗰個年代大家對自閉症嘅唔了解。譬如我宜家有做港台節目《精靈多一點》，都訪問過好多自閉症人仕。雖然佢哋言語上有障礙，但係可能佢哋內心係充滿知識。我覺得要幫佢哋去發揮潛能，同埋多啲包容接納佢哋。」

來到位於觀塘海濱公園的《01型活墟@觀塘》，方健儀表示感覺新鮮。「我覺得觀塘東九龍一帶係少咗類似嘅休憩地方。呢個位其實係補充咗一啲地區上嘅十足。同埋優勢嘅地方就係佢面向維港，所以就唔單止係普通藝墟4幅牆咁簡單，更加有一個好靚嘅風景，同埋我鍾意佢好raw。」