【早霸王】拍拖十年要收樓先敢結婚　森美：心魔一樣

到底「成家」係未就一定要先「成家」呢？呢個出現過在無數討論區的問題，今日嘅《早霸王》，亦有男聽眾表示等了10年，終於同大學時認識的女友提出求婚，「點解要等咁耐呢？」主持人森美同大家都抱有同一個疑問，男聽眾就話一直都有結婚打算。「但最後揀了先置業，依家差不多收樓。」森美聽到之後都話有樓先有得結婚這想法如同心魔一樣，「香港人如果唔加埋呢條數，覺得係唔能夠得到幸福。」

出至無綫節目《有樓萬事足》的「「有樓有高潮、無樓咪白撞」」盡現不少「上車」欲望，甚至有不少情侶為求有個安隱的家都唔介意做「樓奴」。就算當你幸運地遇上真愛，肯同你捱老麥、肯嫁老公而非嫁層樓，但都有機會遭到女方的父母作出善意忠告。無論係「先買樓、後結婚」抑或「先結婚、後買樓」總之就係要有樓！亦有父母更笑言生女好過生仔，因為生仔的話，你首先要準備好一層樓以供囝囝將來結婚之用，看似誇張但又確係事實。但亦有調查顯示，認為「有樓先可以結婚」呢個想法，比早兩年下降近10個百分點，就連李嘉城之前都話過「如果無樓唔同你結婚，有咁嘅諗法，如果我做男呢，就會同佢（女仔）講，你趁依家後生，快啲搵第二個！」如果大家都接「指引」去做的話，相信好多女仔都唔使嫁。