黃智雯《三個女人一個因》紅到去美國登台　 年尾視后有望？

黃智雯（Mandy）今日（4月26日）出席梁材遠新劇（劇名未定）的拜神儀式。Mandy今次拍劇將飾演外國回港的社工，更會與鄭則士（飾演貴利）、邵美琪及苑瓊丹有對手戲。黃智雯自言今次拍戲緊張又興奮，對於自己更有挑戰。黃智雯接受《香港01》訪問時說：「今次角色比以往有啲唔同。今次演呢個角色看似好簡單，但係我會諗個角色嘅想法會唔會比較西化啲。」

黃智雯表示今次拍劇最大的挑戰是與一眾前輩合作。「今次有Kent哥、Maggie、苑仔呢一班前輩。（有冇壓力？）有，一定有。因為Kent哥係我姐夫，Maggie係我家姐，苑仔係我細媽，好多戲都係我哋一家人。」

與一眾前輩做戲，有壓力自然是正常。黃智雯表示每天返廠尤如「上堂」一般。原來Kent哥亦十分照顧「後輩」。黃智雯說：「Kent哥好好嘅係，佢收工之後，就算嗰場冇佢都好。佢都會落場指導我哋。真係好仔細每句對白每個位，Kent哥都會俾啲意見。因為廠入面真係唔會有人講自己嘅秘笈你聽，所以真係有每日嚟返學感覺，真係好正。」黃智雯表示，Kent哥一輩的演戲方法就如同生活化一般融會貫通。「我相信如果幾年前Kent咁同我講，我未必會拿揑到。」

黃智雯自從《三個女人一個因》之後就爆紅，令不少電視觀眾都重新認識這位「方以因」。黃智雯表示拍畢這部梁材遠的新劇（劇名未定）之後又緊接下一套。「嚟緊8月份亦會去美國登台做表演嘉賓。聽經理人講，《三個女人一個因》出街之後反應都好好，所以多咗好多登台賺錢嘅機。今次除咗內地之外，例如新加坡、澳洲美國英國，嗰度嘅唐人都會私信俾我，真係會突登去睇套劇。可能係個題材吸引到佢哋，所以我都開心嘅。」黃智雯今次憑《三個女人一個因》紅到去美國，年尾視后實有機會啦。