【逆緣】被逼翻睇4年前HeHe場面　陳家樂掩面勁尷尬：有少少刺激

陳家樂最近憑住無綫《逆緣》勁入屋嘅冷凍人角色彈起，一班同佢出生入死、一齊為英皇效力好朋友都好戥佢開心，仲經常幫佢喺網上造勢添。最近一班英皇藝人搞嘅搞笑facebook專頁「冤枉娛樂」，就播出一條逼陳家樂翻睇自己喺2014年微電影《愛，不難》嘅演出片段，搞到陳家樂鬼死咁尷尬。

【逆緣】陳家樂加入社署特別調查組　現實係負責幫社署查家宅？

陳家樂喺《愛，不難》裡面就同游學修做一對HeHe情侶，而故事就主要講游學修發現前男友有愛滋病後，就同陳家樂一齊做病毒測試，最後兩個嘅測試結果都係呈陽性反應。不過呢啲都唔係重點，重點係陳家樂同游學修有唔少親密場面，先有全裸陳家樂喺浴缸環抱游學修，後有雙方兩度肉緊激吻。

【逆緣．專訪】陳家樂極窮被迫過隱青生活：冇錢到飯都唔敢食！

重溫陳家樂同游學修喺《愛，不難》嘅兩場激咀場面：

當陳家樂翻睇到自己同游學修嘅激咀片段時，就即刻嚇咗一跳，「Wow」出聲兼彈後掩咀，仲話自己唔記得咗有呢一幕。之後，陳家樂就分享返當時嘅感覺：「錫男仔同錫女仔有咩分別，就係錫男仔，尤其是係游學修，佢好多鬚根，一錫落去嗰種好拮嘅感覺，係平時錫女仔唔會有嘅感覺嚟，帶有少少刺激。」仲講到尷尷尬尬咁，相信好多女士都會讚佢表現Cute爆。